Dann Yesu che

Ti yaa len ke taa ye titunwanbirdam kan, ti ŋmanni tibaa la; mbamɔn aa bi tisui ni. Unii ubaa aa ye uninyaan,11ubaa aa kpa nlan, ubaa aa ban Uwumbɔr. Nima pu na, kpeln nimi aabimbin man, ki dii Uwumbɔr aasan. Ni yaa ŋa kina kan, Uwumbɔr ga di cha pinn nimi aatunwanbir, ki tii nimi lifuur. Titunwanbir aapar ye nkun la. Tidindaan Yesu Kristo pu le Uwumbɔr aapiin ye limɔfal li kaa kpa ndoon na. Yesu nan ki len kinipaak ngbaan chee ki bui bi, “Min le ye dulnyaa ni aawiihn ki wolni binib aanimbil. Unii umɔk dii mi na aan li bi mbɔmbɔɔn ni. U ga li kpa limɔfal, ki ga li bi nwiihn ni” (Jɔnn 8:12). Le Yesu bui u: Li pel man, m si mbisamɔb chee ki kpaar jaaleŋ. Unii umɔk ŋun maaneel ki piir tii mi na, m ga koo ni u chee, ki nan ji u chee tijikaar, u mu ga ji m chee (Tibɔkpiirkaan 3:20). Binib bimɔk gaa u na, u tii bi nsan ke bi kpaln Uwumbɔr aabim. Bima le ye binib bi gaa u ki kii na. Baah kpaln Uwumbɔr aabim na, naa ye ke binibɔm le ma bi Uwumbɔr aamaal ni, kaa ye binibɔm aageehn pu. Uwumbɔr le ma bi waamaal ponn ni.

Uwumbɔr

Ni yaa mee Uwumbɔr kan, bui ke:

Tidindaan Yesu Kristo,
M tun titunwanbir la. M kooh unii u kaa kpa taani na ke bi ti ku u.
M ŋa nimi gafara la.
Uwumbɔr aah gee dulnyaa aanib sakpen pu na,
nima le u di Ujapɔnbaal tii ni ke unii umɔk gaa u ki kii na taa kpo,
u li kpa limɔfal li kaa kpa ndoon na.
Amii.

“Aa yaa len binib aanimbil ni ke Yesu le ye Aadindaan, ki yaa ŋa naadii aasui ni ke Uwumbɔr fikr u nkun ni kan, aa ga ŋmar. Ti gaa u ki kii tisui ni la, nima le Uwumbɔr len ke timi aabɔr ŋan. Ti len binib aanimbil ni ke ti gaa u ki kii, nima le ti ŋmar” (Rom Yaab 10:9-10).